Mila: axeddim i weḥraz n twennaḍt tamdinant yelhan

MILA, – 7 n wayyuren deffir ma snulfan-d ammas n wemḍal atwilan n tursaḍ umi semman Mila-net, yuɣal wemkan-a s wazal-nnes deg weḥraz n twennaḍt n temdint-a.

Amkan-a gan-t-id deg ukatar n wahil n tigawt n tesmilt tatwilant n Mila, yernu ccɣel-nnes d asselhu n tudert deg temdint n Mila. Taṛmist (carika) n Mila-net telha-d s wejmaɛ n tursaḍ yernu tesɛa ibidunen deg wakk timnaḍin n temdint-a, ɣef wakken ay d-yenna unawur (muwaḍḍaf) Allaoua yesɛan 35 n yiseggasen.

Argaz-a izedɣen deg tama tunnigt n temdint n Mila, yenna-d dakken imir-a, uɣalent tursaḍ ttwalqaḍent yernu ibidunen n wejmaɛ ttilin d ilmawen.

Deg wayyur n Remḍan, llan ttɛeddin-d yikamyunen n Mila-net cwiṭ uqbel lmeɣreb, yernu ḥebbsen axeddim ɣef tizi n tis 11:00 n tṣebḥit n uzekka-nni, ɣef wakken ay aɣ-d-tenna teṛmist-a ay d-yennulfan s leɛqed ay yettwastenyan gar tɣiwant n Mila d wammas n wemḍal atwilan.

Ɣef leḥsab n Tahar Zentout, yellan d amasay (mas’ul) deg Mila-net, taṛmist-a tesɛa 11 n tferqtin n 45 n yixeddamen, am wakken ay tesɛa 38 n yinefraḍen.

Tesɛa daɣ yiwet n tferqet tuzzigt ay ileqqḍen tursaḍ deg wakud yellan beṛṛa i wakud n uɛeddi n yikamyunen n teṛmist, ɣef wakken ay d-yerna Mass Zentout.

 

APS

Karim Arhab
CONTRIBUTOR
PROFILE

Voir aussi

Laisser un commentaire

Votre adresse électronique ne sera pas publiée. Les champs Exigés sont marqués avec *

Cancel reply